(533) SOUS LE RÈGNE DE CHARLES VI. 293

seulement, et seront laissées aux marregliers, pour ce faire, tant comme elles dureront; etvueil que on donne aux povres, après la messe, vint solz Parisis et non plus, en deniers Tournois ou Parisis, et que on donne à disner à ceulx qui feront le dit service, et à tous mes amis charnelz qui seront lors au dit Rosoy, et que on leur requière qu'ilz prient Dieu pour moy et pour Richarde, ma Compaigne.

Item, je,laisse à l'euvre de l'eglise de Rosoy quarante solz Tournois, au curé dix solz Tournois, au clerc cinq solz Tournois, et à l'ostel Dieu du dit Rosoy deux paires de draps de deux lez, bons et souffisans, et dix solz Tournois.

Item, je vueil que le vir³ jour après mon dit service fait à Rosoy mes diz executeurs, ou l'un d'eulx, soient à Paris et qu'ilz facent faire en l'eglise Saint Merry, ou cuer d'icelle eglise, vigiles de Mors par les quatre ordres Mendians de Paris, tous ensemble, et qu'il n'y ait qu'une vigiles à neuf pseaulmes et à trois leçons, et que les diz quatre ordres soient avec le dit college à faire le service de la messe; et pour ce faire je laisse à chascune ordre vint solz Parisis, et à la communauté de Saint Merry ou à ceulx à qui il appartendra quarante solz Parisis pour distribuer entre eulx. Et vueil avoir pour tout luminaire quatre cierges, chascun de quatre livres de cire, et seze torches, chascune de trois livres, et vueil que on face faire deux torches, chascune de quatre livres de cire, outre les seze dessus dictes, qui seront baillées aux marregliers lays pour lever Dieu en la dicte eglise, tant comme on fera mon dit service, et le surplus demourera à l'euvre. Et ne vueil pas grant sonnerie, et si ne vueil point de disner qui passe douze ou seze personnes de mes voisins seulement; et si ne vueil point que on marchande aux curez du dit luminaire, mais vueil que tout demeure à l'eglise.

Item, je vueil avoir, ce jour, cinquante basses messes chantées en la dicte eglise de Saint Merry, à commencier au matin et entandiz que on fera mon service, dont chascune des quatre ordres en dira cinq, et les trente on les fera dire par autres prestres, tant de l'eglise comme autres, et pour chascune messe je laisse deux solz Parisis.



	(533) SOUS LE RÈGNE DE CHARLES VI. 293 seulement, et seront laissées aux marregliers, pour ce faire, tant comme elles dureront; etvueil que on donne aux povres, après la messe, vint solz Parisis et non plus, en deniers Tournois ou Parisis, et que on donne à disner à ceulx qui feront le dit service, et à tous mes amis charnelz qui seront lors au dit Rosoy, et que on leur requière qu'ilz prient Dieu pour moy et pour Richarde, ma Compaigne. Item, je,laisse à l'euvre de l'eglise de Rosoy quarante solz Tournois, au curé dix solz Tournois, au clerc cinq solz Tournois, et à l'ostel Dieu du dit Rosoy deux paires de draps de deux lez, bons et souffisans, et dix solz Tournois. Item, je vueil que le vir³ jour après mon dit service fait à Rosoy mes diz executeurs, ou l'un d'eulx, soient à Paris et qu'ilz facent faire en l'eglise Saint Merry, ou cuer d'icelle eglise, vigiles de Mors par les quatre ordres Mendians de Paris, tous ensemble, et qu'il n'y ait qu'une vigiles à neuf pseaulmes et à trois leçons, et que les diz quatre ordres soient avec le dit college à faire le service de la messe; et pour ce faire je laisse à chascune ordre vint solz Parisis, et à la communauté de Saint Merry ou à ceulx à qui il appartendra quarante solz Parisis pour distribuer entre eulx. Et vueil avoir pour tout luminaire quatre cierges, chascun de quatre livres de cire, et seze torches, chascune de trois livres, et vueil que on face faire deux torches, chascune de quatre livres de cire, outre les seze dessus dictes, qui seront baillées aux marregliers lays pour lever Dieu en la dicte eglise, tant comme on fera mon dit service, et le surplus demourera à l'euvre. Et ne vueil pas grant sonnerie, et si ne vueil point de disner qui passe douze ou seze personnes de mes voisins seulement; et si ne vueil point que on marchande aux curez du dit luminaire, mais vueil que tout demeure à l'eglise. Item, je vueil avoir, ce jour, cinquante basses messes chantées en la dicte eglise de Saint Merry, à commencier au matin et entandiz que on fera mon service, dont chascune des quatre ordres en dira cinq, et les trente on les fera dire par autres prestres, tant de l'eglise comme autres, et pour chascune messe je laisse deux solz Parisis.